أحلى بيتزا وأحلى جبنه في مصر
لو سألت اى حد مين احسن مكان بيعمل بيتزا امريكي في مصر الأكيد هتلاقى الاجابة هى بريموز
اصلا من اول ما تدخل بريموز بعد ما تسجل أسمك فى
waitingال
هتلاقي ريحته كلها بيتزا و الناس قاعدين قصاد البيتزا بأى نوع ليها كل متمزج
طبعا الاكيلة عارفين بريموز كويس و اكتر حاجة مشهورين بيها بيتزا السي رانش
و فعلا بريموز قدر في السنين اللي فاتت انه يعمل براند مميز و يكون فعلا من افضل الاماكن اللي تقدر تروح تاكل فيها بيتزا و انت ضامن انك هتنبسط و كل مرة هتلاقي نفس الكمية و الجودة
المنيو فيها 14 نوع بيتزا، حبينا المرة دي نجيب انواع مختلفة، طبعا اول حاجة طلبناها كلنا السي رانش، بيتزا بالكابوريا و جمبري و زيتون و صوص بيتزا و الجبنة وأهم حاجة الرانش صوص، بيتزا تدخل قلبك قبل ما تدخل بؤك،
و اصلا الرانش صوص مع السي فود دا اختراع وهمي بجد premium بيتزا
Chicken barbequeجربنا كمان ال
ودي بردو من اقوى البيتزات عندهم، بتبقى قطع صدور فراخ مع شرايح هوت دوج عليهم صوص الباربكيو اللى بيدي الطعم مدخن و مسكر شوية مع قطع الفراخ والهوت دوج و اصلا طعم عجينة البيتزا نفسه من الحاجات المميزة جدا في بريموز
Cheese lovers من الحاجات الجديدة اللي جربناها و طلعت قوية اوي بيتزا تشيز لافرز، حاجة متكلفة و هي دي فعلا اللي يتقال عليها
خصوصا انهم مستخدمين جبن طعمها قوي و ميكس طعمهم مع بعض ممتاز، فيها جبنة جودة، ريكفورد، رومي و موتزريلا، دي متعتها في انك تاكلها و هي لسة خارجة من الفرن و الجبنة سايحة على وشها
كمان بيتزا السوبر سوبريم دي كانت اول مرة اجربها من بريموز و دي اكتر حاجة عجبتني " كذوق شخصي " فيها كل الحاجات اللي بحبها، سلامي، بيف و هوت دوج مع الجبنة الموتزريلا، حاجة كلاسيكية جميلة, من الحاجات الحلوة اوي في بريموز انهم بيستخدموا خامات جودتها ممتازة و حتى مع الزحمة والضغط هتلاقي البيتزا بتطلع هي هي نفس الجودة كل مرة، و الشباب هناك بيقدموا خدمة اكتر من ممتازة و سريعة, وممكن فى البيتزا الكبيرة تطلبها نص ونص
مفتوح كل يوم من 10 صباحا الي 2 صباحا ماعدا يوم الأحد من 10 صباحا الي 12 صباحا فقط
العناوين:
فرع مصر الجديده(177 شارع الحجاز-ميدان الحجاز)
فرع مدينة نصر(28 شارع مصطفى النحاس بجوار كينتاكي والتابعي و الدمياطي)
فرع التجمع الخامس(مول 106 تاون سنتر-مجمع البنوك-امام شركة نستله و بجوار سلفر ستار 2 داون تاون مول)
فرع الدقي(15 شارع مكه المكرمه امام بوابه 5 نادي الصيد وبجانب مطعم فادركرز)
فرع مصر الجديده(177 شارع الحجاز-ميدان الحجاز)
فرع مدينة نصر(28 شارع مصطفى النحاس بجوار كينتاكي والتابعي و الدمياطي)
فرع التجمع الخامس(مول 106 تاون سنتر-مجمع البنوك-امام شركة نستله و بجوار سلفر ستار 2 داون تاون مول)
فرع الدقي(15 شارع مكه المكرمه امام بوابه 5 نادي الصيد وبجانب مطعم فادركرز)
ليست هناك تعليقات:
إرسال تعليق